Abdixhiku: Cima ishte dhe do të mbetet një nga yjet më të ndritshëm të një plejade artistësh

11:26 | 27 Mars 2021
Gita

Kreu i LDK-së, Lumir Abdixhiku ka bërë sot homazhe për nder të aktorit Rasim Thaçi-Cima.

Përmes Facebook-ut, Abdexhiku ka shkruar se Cima ishte dhe do të mbetet një nga yjet më të ndritshëm të një plejade artistësh që i dhanë ngjyrë epokës së historisë të vendit, shkruan arbresh.info.

Abdixhiku pohoi se Cima në kohën më të zymtë, ai dha një dritare gëzimi për ne.

“Sot me bashkëpunëtorë nderuam Cimën; njeriun që në kohën më të zymtë tonën na dha një dritare gëzimi. Cima ishte dhe do të mbetet një nga yjet më të ndritshëm të një plejade artistësh që i dhanë ngjyrë epokës së historisë të vendit tonë, shumë dashuri dhe në këmbim mori duartrokitjet dhe mirënjohjen e pafund, ashtu siç e donte ai”, ka shkruar Abdixhiku./arbresh.info/